SON DƏQİQƏ! Sərhədəki birləşmələr DÖYÜŞ TAPŞIRIĞI ALDI - ABŞ səfirinin müavini ölkədən qovdu...
Ukrayna sərhədləri boyu cəmləşdirilmiş Rusiya qoşun birləşmələri və bölmələri artıq öz döyüş tapşırıqlarını alıb.
QAYNAR.MEDİA xəbər verir ki, bu barədə virtualaz.org-un Kiyevə ezam edilmiş əməkdaşı Ukrayna Müdafiə Nazirliyinə yaxın mənbələrdən məlumat alıb. Mənbə bildirilib ki, Ukrayna hərbi kəşfiyyatı Rusiya ordusunun sərhədə cəmləşdirilmiş qüvvələrinə polk və batalyonlar, hətta bölüklər səviyyəsində döyüş planları təqdim edilib. Bu isə hücumun yaxın sutkalarda başlayacağına dəlalət edən yeni həyacanlı məlumatdır.
ABŞ prezidenti Cozef Bayden də Rusiyanın Ukraynaya hücumunun yeni mümkün tarixi barədə danışıb. CNN telekanalına açıqlamasında Bayden bildirib ki, Rusiya yaxın bir neçə gün ərzində Ukraynaya hücuma keçə bilər.
“Risk çox yüksək səviyyədədir, çünki onlar öz qoşunlarını sərhədlərdən geri çəkməyiblər. Birincisi, onlar daha çox qoşun yeridiblər. İkincisi, bizdə belə deməyə əsas var ki, onlar hücuma bəhanə əldə etmək üçün başqa bayraq altında əməliyyatlarda iştirak edirlər. Bizdə bütün əlamətlər var ki, onlar Ukraynaya hücuma keçməyə hazırdırlar”, - ABŞ prezidenti bildirib.
Xatırladaq ki, bu gün səhər saatlarından etibarən Donbassdakı təmas xəttində vəziyyət gərginləşib, separatçılar Kiyevi atəşkəsi pozmaqda, artilleriyadan istifadə etməklə zərbələr endirməkdə günahlandırıb. Kreml də bu cür bəyanat verib. Ehtimal ki, Donbassda vəziyyətin bu cür gərginləşməsi Ukraynaya hücum üçün bəhanə kimi istifadə ediləcək.
Bu arada Rusiya hökuməti ABŞ səfirinin müavini Bart Qodmanı “persona non qrata” elan edib.
Musavat.com xəbər verir ki, bu barədə “Amerikanın səsi” radiosu məlumat yayıb.
“Rusiyanın bu hərəkəti təxribatçı xarakter daşıyır və biz bunu eskalasiyanın dərinləşdirilməsi olaraq gözdən keçirəcəyik. Yaxın zamanda cavab tədbirlərinə baxılacaq”,-deyə ABŞ Dövlət Departamentinin bəyanatında bildirilir.
Yüksək rütbəli diplomatın hansı səbəbdən qovulduğu bilinmir, lakin bunun Ukraynadakı böhranla əlaqədar olduğu gələn xəbərlər arasındadır.
Xatırladaq ki, Rusiya ötən ilin dekabrından ABŞ-ın Moskvadakı səfirliyində 3 ildən çox çalışan diplomatların ölkələrinə geri qayıtmalarını tələb etmişdi.
QAYNAR.MEDİA
Son xəbərlər
Ən çox oxunanlar
- Bu gün
- Bu həftə
- Bu ay