Sabunçu rayonu, Maştağa qəsəbəsində yerləşən 255 nömrəli tam orta məktəbdə valideynlərdən yenə Yeni ilə pul yıgılır

Bunu redaksiyamızın vatcapp səhifəsinə ünvanladıqları müraciətdə övladları həmin məktəbdə təhsil alan valideynlər bildiriblər. Onların yazdıqlarına görə, məktəbin direktoru Mətanət Məmmədova ümumiyyətlə məktəbi bazara çevirib: “Bu, birinci dəfə deyil ki, direktor bir gün "fond pulu", bir gün "vinetka pulu" adıyla pul yıgdırır. Əvvəllər də bu cür hallar olub. Artıq boğaza yığıldığımız üçün məsələni ictimailəşdirməyi qərara aldıq. Direktor Mətanət Məmmədova yeni il qabagı lap agını cıxarıb. Ümid edirik ki, aidiyyəti orqanlar lazım olan tədbirləri görəcəklər”.

Qaynar.media bildirir ki, valideynlər daha sonra qeyd edirlər ki, maddi cəhətdən cətinlik cəkirlər, əksəriyyəti işləmir.

"Pul verə bilmirik, ona görə də uşaqlarımız məktəbdə gözümçıxdıya salınır: Yeni ilin məktəbə nə aidiyyatı var? "

Qeyd edək ki, Sabunçu rayonu 255 nömrəli tam orta məktəbdə 2000-ə yaxın şagird təhsil alır.

Qaynar.media qarşı tərəfin də mövqeyini dərc etməyə hazır olduğunu bildirir.