Sosial
6.03.2024, 17:05
ATİAHİ-nın Astara Komitəsində Cabir Hüseynov "RÜZİGARI" - Səttar Mehbalıyevin nəzərinə!
ATİAHİ-nın Astara rayon Komitəsi hazırda bu sahədə çalışan insanların hüquqlarının qorunmasında, onların sosial vəziyyətlərinin yaxşılaşdırılmasında heç bir əhəmiyyətli rol oynamır.
Qaynar.media-a daxil olmuş məqalədə Azərbaycan Təhsil İşçiləri Azad Həmkarlar İttifaqı Astara rayon Komitəsinin sədri
Cabir Hüseynovun
fəaliyyətinə qarşı ciddi iradlar öz əksini tapmaqdadır. Məqalədə iddia olunur ki, Cabir Hüseynov İttifaqın rəhbərliyi səviyyəsində həyata keçirilən əksər maxinasiyaların ən fəal iştirakçılarından biri kimi tanınır. Vurgulanır ki, Cabir Hüseynov Astara rayonu üzrə təhsil sektorunun bir-birini əvəz edən müdirləri ilə birgə bir çox maxinasiyalarda iştirak edib. Qeyd olunur ki, uzun illər komitənin vəsaitlərinin mənimsənilməsi və istirahət evlərinə göndəriş vərəqələrinin (putyovka) verilməsi xüsusunda həyata keçirilən müxtəlif maxinasiyaların sayəsində hazırda bu şəxs yenə də öz işini davam etdirməkdədir. Məqalədə deyilir:
" ATİAHİ-nın Astara rayon Komitəsi hazırda bu sahədə çalışan insanların hüquqlarının qorunmasında, onların sosial vəziyyətlərinin yaxşılaşdırılmasında heç bir əhəmiyyətli rol oynamır. Bu səbəbdən də komitənin sədri Cabir Hüseynovdan müxtəlif instansiyalara ünvanlanan şikayətlərin sayı durmadan artır. Hər ay ittifaq üzvlərinin ödədikləri vəsaitlərin təyinatı illər əvvəl olduğundan kəskin şəkildə fərqlənir. Belə ki, əgər bir vaxtlar bu pullara müəllimlər Rusiyanın müxtəlif kurort və sanatoriyalarda istirahətə göndərilirdilərsə, indi bu vəsaitlər də, elə ölkə daxilində fəaliyyət göstərən müalicə-istirahət ocaqlarında həmkarlar rəhbərlərinin şəxsi mənafeylərinə xidmət edir. Biz bir daha AHİK-nın məqsəd və məramlarının açıqlandığı məlumatlarda təqdim olunan bəzi əsas konsepsiyaları diqqət mərkəzinə çəkmək istəyirik: “Həmkarlar ittifaqları istehsal və qeyri istehsal sahələrində çalışan işçilərin, pensiyaçıların və təhsil alan şəxslərin əmək, sosial və iqtisadi hüquqlarını və qanuni mənafelərini müdafiə edən, dövlət orqanlarından, siyasi partiyalardan və ictimai birliklərdən asılı olmadan fəaliyyət göstərən müstəqil, ictimai və qeyri-siyasi təşkilatdır. Həmkarlar ittifaqları öz üzvlərinin əmək hüquqlarını müdafiə edir, dövlət məşğulluq siyasətinin hazırlanmasında iştirak edirlər...” Lakin bu gün Astaradan aldığımız məlumatlara görə, bu bölgədə hansısa bir hüququ ATİAHİ-nın Astara rayon Komitəsi tərəfindən müdafiə və ya bərpa olunmuş vətəndaş tapmaq demək olar ki, mümkün deyil."
Daha sonra məqalədə deyilir: “Həmkarların Astara rayon Komitəsi indiyədək heç bir təhsil işçisinin hüquqlarını müdafiə etməyib. Amma əslində bu gün Astaranın təhsil sistemində vəziyyət tamamilə başqa cürdür. Yəni, həmkarlar komitəsinin öz üzvlərinin hüquqlarını qoruması qalsın bir tərəfə, hələ üstəlik təhsil sektorunun rəhbərliyinə bu hüquqların pozulmasında köməklik də göstərir. Başqa sözlə desəm, həmkarların Astara rayon Komitəsi bu gün faktiki olaraq, Astara rayonu üzrə təhsil sektorunun əlində müəllimlərə qarşı əsil təhdid alətinə çevrilməkdədir. Daha doğrusu, uzun illər bu belə olub, rayon təhsil şöbəsinə rəhbərlik etmiş müdirlər bu alətdən birbaşa məktəb direktorlarına qarşı, onlar isə öz növbələrində, artıq müəllimlərə qarşı gen bol istifadə edirlər.
Məsələn, əgər hər hansı bir məktəb direktoru, müəllim və yaxud digər bir təhsil işçisi sektor müdirinin növbəti maxinasiyalarından birinə qarşı etiraz etməyə və ya həmin maxinasiyada bilavasitə onun üçün nəzərdə tutulmuş müəyyən hərəkəti yerinə yetirməkdən boyun qaçırmağa qalxarsa, bu zaman çox qısa müddət ərzində həmin şəxsin işindəmi, davranışındamı mütləq bir “pozuntu” aşkar olunacaq. Bundan sonra isə, həmin əməkdaşın məsələsinə artıq birbaşa həmkarlar komitəsinin islasında baxılacaq və ona qarşı hətta işdən çıxarılmasına qədər, müəyyən qərar qəbul ediləcək. Bu vəziyyət də, təbii ki, Cabir Hüseynovun bütün qanun pozuntularında və maxinasiyalarda təhsil şöbələrinin müdirləri ilə əlbir olmasının nəticəsi kimi formalaşıb...”
Ardı var.
Qarşı tərəfin də mövqeyini dərc edə bilərik.
Qaynar.media
Son xəbərlər
Ən çox oxunanlar
- Bu gün
- Bu həftə
- Bu ay