Rusiya prezidentinin 4 oxşarının olması barədə inandırıcı faktlar var…2011-2012-ci illərdə bütün dünyaya Rusiya prezidenti Vladimir Putinin estetik əməliyyat etdirməsi ilə bağlı xəbərlər yayıldı. O vaxt bütün dünya ictimaiyyətini, dolayısı ilə Rusiya əhalisini bir sual maraqlandırırdı: “Putinin üzünə nə olub?”

“Cənab Botoks”

Bir neçə il öncə məşhur “Daili Maily” Rusiya prezidentinin əvvəlki və hazırkı fotolarından ibarət slayd hazırlayaraq vəziyyəti aydınlaşdırmağa çalışdı. Saytın versiyasına görə Putin ya plastik əməliyyat etdirib və o səbəbdən də üzü bu qədər şişkin və qırmızıdır. İkinci versiyaya görə isə Putin həddindən artıq yataraq üzünün şişməsinə səbəb yarada bilər. Vəziyyət o həddə çatdı ki, onun botoks etdirməsi barədə bütün dünya mətbuatında informasiya dolaşmağa başladı. Mətbuatda Vladimir Putini “Cənab Botoks” adlandırmağa başladılar. 2012-ci ildə Putinin qələbəsi şərəfinə keçirilən 4 mart mitinqindən sonra sosial şəbəkələrdə Putinin botoks etdirməsi barədə inandırıcı rəylər yazıldı.

Lakin plastik əməliyyat versiyası bir qədər inandırıcı görünmədi. Birincisi ona görə ki, estetik əməliyyatdan dərhal sonra efirdə görünmə variantı özünü doğrultmur, çünki belə olduğu təqdirdə əməliyyatın əlamətləri dərhal hiss edilərdi. İkincisi, Putinin son 12 il ərzində şəkilmiş şəkillərinə və video lentlərinə nəzər salsaq görərik ki, o bu illər ərzində bir-iki dəfə yox, dəfələrlə xeyli cavanlaşmış görünüşdə olub. Bu faktlar isə öz növbəsində yeni versiyaların ağıla gəlməsinə səbəb olur.

Onlardan birincisi Putinin müntəzəm olaraq əməliyyatla özünü cavan saxlamasıdır ki, bu az inandırıcıdır, ikinci variant isə onun oxşarının olmasıdır. 2012-ci ildə Rusiyanın informasiya agentlikləri qalmaqallı bir material dərc edirlər. Həmin məlumatda deyilirdi ki, Putinin andiçmə mərasiminə 4 Putin qatılmalı olacaq.

Həqiqi Putin hansıdır?

4 mart mitinqindən sonra isə ağıllarda anlaşılmaz fikirlər qaldı: Televizordakı Putinlə mitinqdəki Putin arasında doğrudan fərq var. Fərqi mitinqdə iştirak edən ruslar da hiss etdi. İnternetdə onun eyni yaşlarda olduğu fərqli fotoşəkilləri yayımlanmağa başladı. Gözlərin fərqli quruluşu, qaşların gözlə məsafəsi, ağız çevrəsinin ölçüsü, yanaqların və burunun fərqi, gicgahının saçla məsafəsi, saç və göz rəngindəki təzadlar heç bir estetik əməliyyatla əldə ediləcək nəticələr deyildi.

Prezidentin yeni fotolarından sonra onun dodaqlarındakı və gözlərindəki fərqlər də aşkar hiss olunmağa başladı. Rusiyanın bir çox bloqqeri onun fotoları ətrafında fikir mübadiləsi yürüdürdülər. Prezidentin gənclik fotolarını paylaşan bloqqerlər onun dodaqlarındakı dolğunluğu ön plana çəkmişdilər. Xalq arasında kəpənək kimi tanınan bu dodaq forması hazırkı Putinin dodaqları ilə eynidir, amma dolğunluq istisna olmaqla. Çünki Rusiyanın hazırkı prezidentinin dodaqları olduqca nazikdir və gənc Putinin dodaqlarından çox fərqlənir.

Putinin gözlərinin rəngi də fotolarda tez-tez fərqli düşür, gah mavi, gah yaşıl, gah dairəvi, gah qıyılmış göz quruluşu. Gerçək Putinin barmaqları normal ölçülərdədir, əyriliyi yoxdur, dərisi zərifdir. Onun klonu hesab edilən oxşarında isə barmaqlar nisbətən kökdür, əl dərisi qabadır. Sanki o ağır fiziki əməklə məşğuldur.

I Pyotrdan Yeltsinə qədər…

Bu səhnə bizə tarixdən də məlumdur. I Pyotr Avropaya səfərindən qayıtdıqdan sonra gözlə görüləcək dərəcədə dəyişmişdi. Bir versiyaya görə onun yerinə başqa bir adam I Pyotr kimi Rusiyaya qayıtdı. Lakin bu elə təxmin olaraq qaldı, çünki tarix o qədər də yaxın deyil və biz Pyotru yaxından tanımırdıq. Amma Rusiyanın eks prezidentlərindən olan Boris Yeltsini bir çoxumuz yaxşı tanıyırıq. Bu həqiqətlərə hətta professional ekspertlər belə inanmasa da onun fotolarında və arxiv videokadrlarında təzadlı nüanslar mövcuddur.

Yuri Muxin “Yeltsinin kodu” adlı kitabında yazır ki, əsl Yeltsin ölüb, ya da öldürülüb. Müəllif iddia edir ki, Yeltsin keçirdiyi ürək əməliyyatından sonra efirə tamamilə başqa bir insan kimi qayıdıb. Yuri Muxin yazır ki, Yeltsinin oxşarı bir nəfər olmayıb, klonlar ən az 4 nəfər olmaqla yanaşı heç biri əsl Yeltsinə 100 faiz oxşamırdı. Dövlət başçısının imici ilə isə öz qızı Tatyana Dyaçenko məşğul olurdu. Bütün bunlar elə o vaxt da, indi də beyinlərdə bir çox suallar yaradır. Yeltsinin oxşarları kim idi, ölkəni kim idarə edirdi? Putini kim yönləndirirdi? Ümumiyyətlə, indi neçə Putin var?

Faktlar boldur…

Başqa maraqlı bir fakt. 2012-ci ildə internetdə izlənmə sayına görə rekord həddi keçən videolar arasında bir görüntü də vardı. O kadrlarda Putin avtomobilə minərkən görüntülənən zaman başqa bir Putin canlı yayımda siyasi və beynəlxalq məsələlər barədə çıxış edirdi. Hansının əsl, hansının klon olduğunu isə, təbii ki bilmirik. Putin kimi görünən insanların var olduğu təxmin edilir, amma Rusiya əhalisi səsvermə zamanı onlara yox, hamımızın tanıdığı Vladimir Putinə səs veriblər. Ola bilər ki, onun oxsarları yeri gəldikcə Rusiyanın həyatında önəmli qərarlar verə, hətta nüvə çemodanında belə gerçək Putinlə bir-birini əvəz edə bilərlər.

Yeri gəlmiskən ictimaiyyət Putinin ailəsi barədə çox məlumata sahib deyil. Rusiya prezidenti öz ailəsinin üzvləri barədə mətbuatla qapalıdır. Əslində, dünyanın heç bir ölkəsində ölkə başçısı öz ailəsini ictimaiyyətdən gizləmir. Əksinə, prezidentin ailə üzvləri prezident qədər marağa səbəb olan insanlar olduğu üçün mətbuat onların barəsində mütəmadi məlumat verir.

İnternetdə bu kimi videolar olduqca çoxdur. Nümunə üçün paylaşdığımız bu kadrlarda əsl Putinlə onu əvəzləyən klonlarının fərqləri izah olunur. Bu fərqlərdən birində həm Almaniya, həm də Rusiyada diqqət çəkən məqam qeyd olunur. Putinin prezident kimi fəaliyyətə başladığı dövrdə mükəmməl dərəcədə almanca danışırdı, lakin 2007-ci ildə almanca danışarkən ciddi qrammatik səhvlərə yol verir. Alman kanalları onun danışığını yayımlarkən səhvləri redaktə eedərək kəsir, lakin rus kanalları danışığı olduğu kimi yayımlanır, hər iki danışıqdakı fərqlər diqqətə aydınca çarpır.

Başqa bir fakt. 2013-cü ildə alman telekanallarından birinə verdiyi müsahibədə Putin jurnalistin verdiyi suallara gec və rus dilində cavab verir – yalnız qulağındakı dinləyicidən tərcüməni eşitdikdən sonra.

Bundan başqa, 2005-ci ildə rusiyalı həkimlərin qoyduğu diaqnoza görə Putində onurğa xərçəngi aşkarlanır. Almaniyaya müalicəyə gedən Putinə alman həkimlərdən biri bir neçə ay ömrü qaldığını deyir. Putin müalicədən imtina edir. Həkim daha sonralar onu efirdə sağlam və olduqca gümrah gördükdə “ola bilməz” deyib.

Bu tip filmləri hazırlayarkən müəlliflər kriminalistlərin, fotoqrafların, estetik cərrahların, sərhəd və aeroport nəzarətçilərinin, səs oxşatma ekspertlərinin rəylərini alıb, eləcə də yeni informasiyalardan istifadə edirlər. Filmin müəlliflərini də hər bir sadə rusiyalını maraqlandıran sual maraqlandırır, liderlərin arxasındakı klounlar kimdir, klounların arxasındakılar kimdir? Ölkəni kim xilas edir, kim dağıdır? Ümumiyyətlə, əsl Putin kimdir?