AMEA prezidenti Ramiz Mehdiyev artıq çamadan ovqatındadır. Keçmiş PA rəhbərinin akademiyadan da yola salınmasına sayılı günlər qaldığını desək, yalan olmaz. Artıq ardıcıl olaraq ona istefa çağırışları səslənir.
Əvvəlcə AMEA-nın Tarix İnstitutunun direktoru Kərim Şükürov, sonra AMEA Arxeologiya, Etnoqrafiya və Antropologiya İnstitutunun şöbə müdiri Nəcəf Müseyibli indisə tarixçi-alim, deputat Musa Qasımlı R.Mehdiyevi öz xoşuyla getməyə çağırır. Hər üç elm adamları hesab edirlər ki, akademiya prezidenti AMEA-nı viran günə qoyub, intriqabazlıq, yeyinti, konflikt, yalnız şəxsi maraqlarını güdməsi, səriştəsizliyi və yarıtmaz fəaliyyəti göz qarşısındadır. Bu bəyanatlar təsadüfi deyil və Mehdiyev erasının tamamilə başa çatmasına hazırlıqdır.

TİA.Az-ın əldə etdiyi məlumata görə, bu xüsusda R.Mehdiyevin biznesinin də əlindən çıxması istisna deyil. Bilgilərə görə, AMEA rəhbərinə məxsus olan biznes subyektlərindən biri – “Bakı” klinikasıdır.Bir müddət əvvəl klinika rəhbəri qəza törətmişdi və bu faktla gündəmə gələn Aytən Quliyevanın üzərindən “Bakı”nın R.Mehdiyevə aid olduğu iddiaları səslənmişdi.

Lakin AMEA təkidlə təkzib edirdi ki, klinika Mehdiyevə məxsus deyil. Bununla belə saytımıza daxil olan xəbərlərdə “Bakı” klinikasının AMEA rəhbərinə aid olduğu, gizlədildiyi israrla qeyd edilir. Məlumatlara görə, klinikanın Mehdiyevin nəzarətindən çıxması an məsələsidir.

Yəni tezliklə “Bakı” klinikasına əl qoyula bilər və rəhbəri A.Quliyevanın da uzaqlaşdırılması iddiaları səslənməkdədir. Qeyd edək ki, bu klinika tez-tez bahalığı və qalmaqallarla gündəmə gəlib. Amma “Baku Clinic” vətəndaşların bugünkü iqtisadi vəziyyətini nəzərə almadan şəxsi çıxarları naminə fantastik və soyğunçu qiymətlər müəyyən edib. Burada analizlər, çek-aplar, müxtəlif müayinələrin ödənişi son dərəcə bahadır.
Klinika ilə əməkdaşlıq edən həkimlər isə faiz götürmək üçün pasientlərini analiz üçün bura yönəldirlər. Bu tibb ocağının rəhbərinin kim olması da sirr saxlanır. Müəssisənin rəsmi internet saytında baş həkimin kimliyi, tibb personalı haqda məlumat verilmir. burada kompüter tomoqrafiyasından keçib və nə az, nə çox düz 95 manat alınıb. Bu tarifi müəyyənləşdirən klinika rəhbərliyi hansı meyarları, əsasları, iqtisadi şəraiti əldə rəhbər tutub aydın deyil. Klinikanın və direktorunun müsahibəsini işıqlandırmağa hazırıq.