Müğənnilər bu dəfə kredit borclarından danışıb.

Qaynar.media xəbər verir ki, "Şourum" verilişi bu dəfə sənət adamlarından banka olan borclarını soruşub.

Müğənni Nadir Qafarzadə "Yaralı yerimdir, qorxuram. Kreditli həyatdan qorxuram. Son 10 ildə kredit nədir bilmirəm. Ona görə də başım dinc, yuxum şirindir" sözlərini söyləyib.

Müğənni Günay İbrahimli isə "Kredit mənə düşmür. Problemim çoxalır. Əvvəl maşın üçün kredit götürmüşəm, 50 min manat ödəmişəm" deyə, bildirib.

Əməkdar artist Ədalət Şükürov isə "Ev, maşın götürəndə kreditim olub. Vaxtında qaytarmışam, indi yoxumdur" sözlərini əlavə edib.

Müğənni Damla "2-3 aylıq kreditim var, o da bitər. Maşın götürmüşəm. Kredir xəstəlikdir, bitirən kimi yenə nəsə götürürsən" cavabını verib.

Müğənni Elvin Abdullayev "Maşın kreditim olub, 51 min manat" sözlərini bildirib.

Müğənni Sevda Yahyayeva isə avtomobilini kreditə götürüb. O bildirib ki, 3 il kredit ödəyib.

Xalq artisti Natiq Şirinov isə hazırda hamının kreditinin olduğunu açıqlayıb. "Maşın, soyuducu, paltaryuyan kreditim var. İndi krediti olmayan var?" deyə, nağara ifaçısı bildirib.

Xalq artisti Niyaməddin Musayev isə illər əvvəl telefonunu kreditə götürdüyünü deyib.

Xalq artisti Faiq Ağayev isə nəinki krediti, heç bank kartı da olmadığını açıqlayıb.