Putin “qiyamət günü təyyarəsi”ni paradda göstərməkdən niyə QORXDU - Əsl ŞOK SƏBƏB!!!
Moskvada "Qələbə Günü” münasibətilə keçirilən hərbi paradın aviasiya hissəsi hava şəraitinə görə deyil, siyasi səbəblərə görə ləğv edilib.
Qərbin təzyiqi ilə işğalçı ölkənin başçısı Vladimir Putin "qiyamət günü təyyarəsi”ni nümayiş etdirməkdən vaz keçib. Putin nüvə müharibəsi baş verəcəyi təqdirdə ölkə rəhbərliyini evakuasiya etmək üçün nəzərdə tutulmuş "qiyamət günü təyyarəsi” – "İl-80”-in komanda heyətini nümayiş etdirmək qərarına düzəliş edib.
Bizimyol.info xəbər verir ki, bu fikirləri hərbi ekspert Oleq Jdanov Ukrayna mətbuatına müsahibəsində səsləndirib . "Düşünürəm ki, paradın aviasiya hissəsi Qərbdən gələn ultimatumlara görə ləğv edilib”,- deyə o, bildirib.
Ekspertin izah etdiyi kimi, belə bir ultimatum Rusiya Federasiyası rəhbərliyinin Ukraynaya qarşı müharibə zamanı nüvə silahından istifadənin mümkünlüyü ilə bağlı çoxsaylı bəyanatlarından və hərəkətlərindən sonra ortaya çıxıb.
"Putin nüvə silahı mövzusunu şişirtməyə başladı və ona dərhal xəbərdarlıq edildi ki, onun şəxsən aradan götürülməsi məsələsinə diqqət yetirəcəklər. Yaxud da onun ən yaxın adamlarına qarşı sanksiyaların tətbiqi məsələsi gündəmə gələ bilərdi. Diqqət edin, dərhal Rusiyada bütün məmurlar deməyə başladılar ki, yox, biz nüvə silahından istifadə etməyəcəkdik”,- deyə Jdanov bildirib.
Beləliklə də Putin "qiyamət günü təyyarəsi”ni nümayiş etdirməkdən imtina etməklə Qərbə nüvə silahından istifadə etməyi planlaşdırmadığına dair siqnal verdi. Eyni zamanda ekspert ona diqqət çəkib ki, Moskvada hərbi parad keçirilən vaxt əla hava şəraiti olub, ona görə də belə hava şəraiti aviasiya paradının ləğvinə səbəb ola bilməz.
"Mən canlı yayıma baxırdım - aviasiya üçün əla hava vardı, sadəcə, havaya qalx və uç. Amma onlar "qiyamət günü təyyarəsi”ni paraddan çıxarıblar və daha orada göstərmək üçün heç nə qalmayıb”,- deyə ekspert əlavə edib.
Son xəbərlər
Ən çox oxunanlar
- Bu gün
- Bu həftə
- Bu ay