Donbassda Ukrayna ordusu düşmənin 12 hücumunu dəf edib.

Bizimyol.info xəbər verir ki, bu barədə Ukrayna Silahlı Qüvvələrinin Baş Qərargahı öz sosial şəbəkə səhifəsində məlumat yayıb.

"Ötən gün Hərbi Hava Qüvvələri və quru qoşunlarının hava hücumundan müdafiə bölmələri yeddi "Orlan-10" PUA və bir "Forpost" PUA-nı vurdu.

Son 24 saat ərzində düşmənin Donetsk və Luqansk vilayətləri ərazisinə on iki hücumu dəf edilib, düşmənin altı tankı, beş artilleriya sistemi, iyirmi iki zirehli texnikası və səkkiz avtomobili məhv edilib.

Baş Qərargah qeyd edir ki, düşmən Ukraynaya qarşı genişmiqyaslı silahlı təcavüzü və Şərqi Əməliyyat Zonasında hücum əməliyyatlarını davam etdirir.

"Rusiya Federasiyası silahlı qüvvələrinin bölmələrində xeyli texnika itkisinin yerini doldurmaq üçün tədbirlər görür, Ukrayna ərazisində hərbi əməliyyatlar aparır. Mövcud məlumata görə, Voronej vilayətinin Boquçar şəhərində 2022-ci il apreldən 27-dən mayın  2-dək on yeddi tank və altmış BMP-1 anbardan çıxarılıb. Onlar Rusiya qoşunlarının müvəqqəti işğal etdiyi ərazilərə göndərilib”, - məlumatda deyilir.

Slobojanski istiqamətində düşmən Xarkov şəhərini və ona yaxın yaşayış məntəqələrini atəşə tutmaqda davam edirdi. İzyum istiqamətində isə düşmən Ukrayna qoşunlarının bölmələrinə aktiv atəş zərbəsi endirib.

Donetsk istiqamətində işğalçı ordu əsas səyləri Rubijne və Popasnaya yaşayış məntəqələri üzərində tam nəzarətin yaradılmasına və Liman və Slavyansk yaşayış məntəqələri istiqamətində irəliləməyə yönəlməkdə davam edir. Yujnobuqski istiqamətində düşmən fəal döyüş əməliyyatları aparmayıb. Təmas xətti boyunca bölmələrinin atəşə tutulması davam edir.

Verilən məlumata görə, Ukrayna Silahlı Qüvvələri Xarkov yaxınlığında Rusiya qoşunlarına əks-hücum edərək onları şəhərdən 40 km geri çəkilməyə məcbur edib. Rusiya ordusu Donbassa doğru irəliləmək üçün Xarkovu tutub saxlamağı planlaşdırırdı.