Prezident Aparatı rəhbərinin müşaviri Aleksey Arestoviç etiraf edib ki, Rusiya şəhərlərində baş verən kütləvi yanğınlar partizan müharibəsinin başlanmasına sübut ola bilər.

Bizimyol.info xəbər verir ki, bu barədə "Feigin Live"a müsahibəsində danışıb.

Belə ki, Arestoviç Bryanskdakı vəziyyəti şərh edərkən qeyd edib ki, son vaxtlar Rusiyada hərbi komissarlıqlara hücumlar baş verir. Bu, onun fikrincə, partizan müharibəsinin başlanmasından xəbər verə bilər.

"Rusiyada nə baş verdiyini bilmirik. Ussuriyskdə hərbi baza yanır, hərbi komissarlıqlar yanır, hərbi universitetlər, bəzi anbarlar, qubernatorların evləri yanır. Belə görünür ki, Rusiya ərazisində partizan müharibəsi başlayıb. Bu, xüsusən də hərbi komissarlıqlara aiddir - camaat müharibəyə gedib iki xalq arasında düşmənçilik yaradılmasına qarışmaq istəmir”, - deyə Aretoviç bildirib.

Aparatı rəhbərinin müşaviri qeyd edib ki, hərbi komissarlıqda çağırışçıların və ehtiyatda olanların şəxsi məlumatları yoxlanılır.

Xatırladaq ki, aprelin 25-nə keçən gecə Rusiyanın Bryansk şəhərində neft bazasında yanğın baş verib. Yerli sakinlər partlayış səsləri eşitdiklərini bildiriblər. Hadisə ilə əlaqədar Bryanskda yanğın baş verən ərazinin yaxınlığında yaşayan insanların təxliyə olunublar.

Ruslar sosial şəbəkələrdə Bryanskdakı neft bazasında baş verən yanğını aktiv şəkildə müzakirə edirlər. "Nəsə səhvdir”, - deyə şübhələnir, Rusiya Federasiyasının rəhbərliyini tənqid edir və Ukraynada "xüsusi əməliyyat” deyil, müharibənin getdiyini etiraf edirlər.

Beləliklə, bəzi istifadəçilər əmindirlər ki, bunlar cəhd edən yerli təxribatçılardır, çünki Rusiya Federasiyasında hamı mövcud vəziyyəti dəstəkləmir.

Rusiyanın Ussuriysk şəhərində hərbi hava bazasında da yanğın baş verib. Şahidlər hərbi obyektin üzərində qalın qara tüstünün olduğunu bildiriblər. Təcavüzkar ölkə hər iki hadisəyə münasibət bildirməkdən çəkinir.