Tiflisdən səfirini geri cagıran Zelenskiyə QƏZƏBLİ CAVAB: “Bəs, Azərbaycandakı səfirini niyə..."
Əvvəlcə qeyd edim ki, 2020-ci ilin məlumatlarına görə, Azərbaycan şirkətləri qonşu ölkəyə ciddi sərmayə yatıran şirkətlər sırasında olmaqla həm də bu ölkədə ən böyük vergi ödəyiciləridir. Gürcüstandan iki ixrac neft kəməri və iki ixrac qaz kəmərimiz keçir. O da bu kəmərlərdən kifayət qədər yararlanır, "qidalanır". Azərbaycan bu ölkəyə 1,5 milyard ABŞ dollarından artıq həcmdə investisiyalar yatırıb.SOCAR Gürcüstanın ən böyük vergi ödəyicilərindən biridir. Onu da qeyd edək ki, Gürcüstana yeganə ən çox qazanc gətirən sahə turizmin genişlənməzində də azərbaycanlıların əhəmiyyəti böyükdür. Yəni Gürcüstana gələn turistlərin 40 faizini azərbaycanlılar təşkil edir. Uzun sözün qısası, Azərbaycan tək bir gün bütün əlaqələri dondursa, Gürcüstan nəinki donar, həm də çökər.
Amma görünən odur ki, Gürcüstan rəsmiləri bunun fərqində deyil.
Nə baş verib?
Adalet.az-ın məlumatına görə, ötən gün Ukrayna Prezidenti Volodimir Zelenski Ukrayna səfiri İqor Dolqovu Gürcüstandan geri çağırıb.Səfirin geri çağırılmasına səbəb diplomatın kifayət qədər məhsuldar işləməyib və Tiflis Rusiyaya qarşı Qərbin sanksiyalara qoşulmayıb.Düzdür, Gürcüstan Zelenskinin Ukrayna səfirini Tiflisdən geri çağırmaq qərarını qəbuledilməz adlandırıb. Amma Zelenskinin səbəbləri də indiki vaxtda sıradan bir səbəb deyil.
Gürcü Arzusu Partiyasının sədri İrakli Kobaxidze Zelenskinin bu qərarına qəzəblənib:"Ukrayna hakimiyyətinin bu kədərli qərarı Gürcüstanı hərbi münaqişəyə cəlb etmək üçün koordinasiyalı hərəkətlərin ifadəsidir, biz buna imkan verməyəcəyik. Moldova, Türkiyə, Azərbaycan və İsrail kimi ölkələr də məhdudlaşdırıcı tədbirlərdən imtina ediblər, lakin oradakı səfiri geri çağıran olmayıb”- deyə vurğulayıb.
Qeyd edək ki, Azərbaycan və Türkiyənin adını xüsusilə diqqətə çatdıran Gürcüstan parlamentinin eks spikeri İrakli Kobaxidzenin məqsədi hazırda Rusiyaya qarşı birləşmiş dövlətlərin qınayıcı baxışlarını üzərindən çəkmək, diqqətdən yayınmaqdır. O, bunun üçün ən yaxşı tərəfdaşını qabağa itələməkdən çəkinmir .
P.S. Ataların bir misalı var. Deyir, 7 yeyənin olsun , bir deyənin olmasın.
Maraqlı burasındadır ki, bəzən atalar sözlərindəki "7 yeyən”inin hamısı olmasa da, mütləq yarısı "deyən” olur. Yəni, ha yedirtsən də, ha əziz tutsan da, səni dilinə dolayır, açıq müzakirəyə atır, diqqət mərkəzinə qoyur. Bir sözlə, yediyinə qarşı nankorluq edir.
QAYNAR.MEDİASon xəbərlər
Ən çox oxunanlar
- Bu gün
- Bu həftə
- Bu ay