Bu il Azərbaycanla Ermənistan arasında SÜLH SAZİŞİ İMZALANACAQ - Erməni mətbuatında ŞOK XƏBƏR
Ermənistanın “Hraparak” qəzeti bu il ərzində Bakı ilə İrəvan arasında sülh sazişinin imzalanacağının qətiləşdiyi barədə xəbər yayıb. QAYNAR.MEDİA bildirir ki, həmin xəbərdə Ermənistan hökumətindəki mənbəyə istinad edilib.
Xəbərdə deyilir ki, Azərbaycan və Ermənistanın qarşılıqlı olaraq, təkliflərlə çıxış etmələri həmin prosesin ilkin mərhələsidir. İddia edilir ki, bu təkliflər tərəflər arasında razılaşdırılıb. “Ola bilsin ki, bu il Ermənistanla Azərbaycan arasında sülh sazişi imzalansın”.
Qəzet yazır ki, İrəvan Bakıdan göndərilən ilkin şərtlərə çox qısa cavab Verdi. “Sadə dillə desək, bu, ən azı Sovet Ermənistanı və Azərbaycan sərhədlərinə qayıtmaq və erməni tərəfinin Dağlıq Qarabağla bağlı tələblərdən imtina etməsi deməkdir”.
“Hraparak” qeyd edir ki, Ukraynada yaşananlara rəğmən, Bakı ilə İrəvan arasında danışıqların və təmasların davam etməsi onu göstərir ki, proses bir kənara qoyulmayıb. “Ola bilsin ki, gələcəkdə yeni hadisələr gözlənilir”.
Mənbə
jamaz.info
Son xəbərlər
Ən çox oxunanlar
- Bu gün
- Bu həftə
- Bu ay