"Qaçqınkom"un qaçqınlara `BOŞANIN` TƏKLİFİ... - Rövşən Rzayevin yaxası təzəcə medal görmüşdü...

Məcburi köçkünlər üçün nəzərdə tutulmuş evlərin Prezident sərəncamı ilə “Qaçqınkom”un balansından çıxarılaraq Əmək və Əhalinin Sosial Müdafiəsi Nazirliyinə verilməsi özü ilə ciddi problemlər də gətirib.

Əslən Xocalı rayonundan olan məcburi köçkün və şəhid ailənin üzvü Elmira Əzizova redaksiyamıza müraciət edərək bildirib ki, bir neçə ildir “Qaçqınkom”da mənzil növbəsinə dursa da, ona hər dəfə müxtəlif bəhanələr gətirilir, müraciətinə başdansovdu, laqeyd şəkildə yanaşılır. Bir sözlə, “Qaçqınkom” Xocalı sakini olan xanımın müraciətlərini və ünvanladığı şikayətlərini bir qulağından alıb, o biri qulağından ötürür: “İllərdir birotaqlı, şəraitsiz evdə dörd nəfər ailə üzvümlə yaşayıram. Xocalı rayonu İcra Hakimiyyətindən gəlib yaşadığım evi, şəraitini çəkiblər, görüblər. Xəbərləri var. Bizə də demişdilər ki, sizə “Qaçqınkom”dan ev düşür. Yəni ki, haqqınızdır. Biz də ev növbəsinə durduq, gözlədik, vaxtımız gəldi çatdı. İndi gəlib, haqqım olanı tələb edirəm, deyirlər: “Bizdə ev yoxdur, Əmək Nazirliyinə müraciət et”. Ora müraciət edirəm, deyirlər: “Sənədlərin “Qaçqınkom”un tabeliyindədir, biz heç nə edə bilmərik”.

Yaxşı, indi mən nə edim? Deyirlər, torpaqlar alınıb, hal-hazırda orda tikinti işləri gedir, yaxın zamanlarda bizləri o torpaqlara köçürəcəklər. İndi mənim sualıma cavab versinlər görüm, Xocalı alınıbmı? Qarşıdan Xocalı soyqırımının növbəti ildönümü gəlir. Hər il də bu barədə geniş, silsilə tədbirlər keçirilir, soyqırım qurbanları yad edilir. Amma bir Xocalı sakini kimi, məcburi köçkün kimi, şəhid ailəsi kimi illərdir bu Komitədə növbə gözləyirəm, neçə dəfə gəlib-gedirəm, müraciət edirəm, qəbula yazılıram, nə qədər sənəd-sübut gətirirəm, baxmırlar, laqeyd yanaşırlar, həll etməkdən boyun qaçırırlar. Halbuki, haqqı çatmayan, aidiyyatı olmayan nə qədər insan var ki, onlara mənzillər verilib. Biz isə illərdir qəzalı vəziyyətdə olan bir otaqda evdə yaşayırıq”.

“Qaçqınkom”dan Elmira xanıma, eləcə də redaksiyamıza bildirilib ki, hal-hazırda komitənin balansında olan evlər Prezident sərəncamı ilə balansdan çıxarılıb və ƏƏSMN-nin balansına verilib. İllərdir birotaqlı şəraitsiz və qəzalı mənzildə dörd nəfər ailə üzvü ilə birgə yaşayan xanıma isə ya Kürdəmirdən, ya da Pirallahı qəsəbəsindən birotaqlı mənzil təklif edilir: “Komitəmizin balansında artıq ev yoxdur. Hal-hazırda bizə müraciət edən məcburi köçkünləri isə rayonlarda olan evlərlə təmin edə bilərik. Müharibədən sonra sərəncamla paytaxtda məcburi köçkünlər üçün nəzərdə tutulmuş evlər ƏƏSMN-nin balansına keçdi, həmin Nazirlik də o evlərin satışını həyata keçirir”,– deyə komitənin mətbuat xidmətindən bildirilib.

Müraciət əsasında Elmira xanımla Komitənin qəbul otağında olduq. Burada Laçından, Füzulidən, Cəbrayıldan olan məcburi köçkünlər də gəlmişdi və onlar da anфloji problemi yaşadıqlarını qeyd edirdilər.

Füzuli sakini olan şəxs bildirir ki, Qobu qəsəbəsində məcburi köçkünlərə verilən evlərin əksəriyyəti ya boşdur, ya da evlərin verildiyi adamlar həmin evləri kimlərəsə kirayə verib, öz adına olan başqa evlərə köçürlər: “Yaxşı bir üsul tapıblar: cütlüklərə zəng edib, deyirlər ki, boşanın, sizi evlə təmin edək. Deməli, proses nədir – cütlüklər öncə boşanmaları ilə bağlı komitəyə sənəd təqdim edirlər, komitə də onun əsasında adamlara bir otaqlı evlər verir. Sonra bu adamlar həmin evləri kirayə verib özləri başqa evə çıxırlar. Gedin, Qobu qəsəbəsində məcburi köçkünlər üçün tikilmiş binanı yoxlayın. Düşüb, bir-bir qapıları döyün. Görün, nə qədər kirayəçi çıxacaq o evlərdən? O evlərdə çox az sayda məcburi köçkün yaşayır. Binadakı evlərin çoxu ya kirayə verilib, ya da ki, boşdur. Mənim anam dializ xəstəsidir. Onu maşında qoyub, dönmüşəm bura. Hələ də nala-mıxa vururlar. Aidiyyatı strukturlardan bu məsələni araşdıracaq komissiya təşkil olunsun, gedib, həmin o evləri bir-bir yoxlasınlar. O binalara yerləşdirilən məcburi köçkünlərin Bakının mərkəzində, ətraf bölgələrində ən azı bir evi var. Bu evləri kirayə verib, çıxırlar. Əgər bu fırıldağın üstünü bunlar açmasa, mən özüm şəxsən gedib o binadakı evlərin qapısını döyəcəm, özüm ordakı kirayə qalanları, boş qalan evləri üzə çıxaracam. Artıq bezmişəm, boğaza yığılmışam”?– deyə Füzulidən olan məcburi köçkün bildirib.

Yaranmış problemlə əlaqədar Əmək və Əhalinin Sosial Müdafiəsi Nazirliyindən (ƏƏSMN) Bizimyol.info-ya bildirilib ki, həqiqətən də həmin evlər müvafiq sərəncamla artıq Nazirliyin balansına köçürülüb və evlə təmin olunan şəhid ailələrinin ardından, boş qalan mənzillər satışa çıxarılır: “Şəhid ailələri, müharibə əlilləri evlə təmin edildikdən sonra istifadəsiz qalan mənzillərin satışı yolu ilə əldə olunan gəlirlər digər rayon və şəhərlərdə şəhid ailələri və müharibə əlilləri üçün evlərin tikintisinə sərf olunacaq. Bu evlərin də satış qaydaları haqqında hökumətin qərarından sonra icra prosesinə başlanılacaq. Mənzillər isə qeydiyyat prinsipi ilə icra olunur. Yəni hazırda Bakı şəhərində qeydiyyatda olan şəhid ailələri və müharibə əlilləri Bakı şəhərində mənzillə təmin edilir. O cümlədən, Sumqayıt və digər şəhər, rayonlarda. Burada qeydiyyat prinsipi əsas götürülür. İşğaldan azad edilmiş ərazilərimizdə də həmin vətəndaşlarımız üçün quruculuq-infrastruktur işləri gedir. Onların yaşayış yerləri ilə təmin edilmələri üçün işlər həyata keçirilir. Yenə qeyd edirik ki, bütün bu proseslər qeydiyyat prinsipi çərçivəsində aparılır”,– deyə ƏƏSMN-nin Mətbuat Xidməti rəhbəri Fazil Talıbov bildirib.

Yaranmış problemlə bağlı prosesləri növbəti mərhələlərdə də yaxından izləyəcək və nəticəsi barədə oxuculara məlumat verəcəyik.
Bizimyol.info

Son xəbərlər

Qonşu dövlətlərdən biri kimi Gürcüstanla dostluğumuz, qardaşlığımız dərin tarixi köklərə əsaslanır

Kimlərinsə "milcəkdən fil düzəltmək" EŞQİ... - Əslində 11 saylı Lənkəran Neft Terminalı Bazasının direktoru Namiq Bağırov KİMDİR

Müqayis Verdiyevin dələduzluğ əməli ifşa olundu - Şəhidlər xiyabanını abadlaşdırma adı ilə talanan milyonlar...

Sumqayıt şəhər bulvarının abadlaşdırılması zamanı Müqayis Verdiyevin misli görünməmiş dələduzluğu... - İTTİHAM VAR...

ATİAHİ-nın Astara Komitəsində Cabir Hüseynov "RÜZİGARI" - Səttar Mehbalıyevin nəzərinə!

Qədirbilən xalqımız öz Liderinə, öz Prezidentinə, öz Müzəffər Ali Baş Komandanına olan mənəvi borcunu mütləq şəkildə qaytardı

288 nömrəli tam orta məktəbdə QANUNSUZLUQ - İDDİA

Cəmiyyəti ədalətsizlik virusuna yoluxdurmayın

Bitki Mühafizə və Texniki Bitkilər Elmi-Tədqiqat İnstitutunun ugurları kımləri narahat edir..?

Sabunçuda yerləşən 255 nömrəli tam orta məktəbdə Yeni ilə pul yıgılır - Emin Əmrullayevin NƏZƏRİNƏ

Cəsarət Qasımov: "Prezident İlham Əliyevin həyata keçirdiyi uğurlu daxili və xarici siyasət bu gün milyonlarla azərbaycanlını bir bayraq altında birləşdirir, zəfərdən zəfərə aparır"

Qax Suvarma Sistemləri İdarəsində NƏ BAŞ VERİR - Rəis “otkat” alır - İDDİA

Siz Aztur ilə - heyrətamiz yeniliklər, təcrübəli bələdçilər, unikal marşrut, premium yaşayış və yaxşı nəqliyyat olan epik səyahətlərlə qarşılaşacaqsınız

Saatlı Suvarma Sistemləri İdarəsində NƏ BAŞ VERİR... - Şok korrupsiya, şübhəli tender əməliyyatları

Qazax şəhər 5 nömrəli tam orta məktəbində qanunsuzluqlar baş verir

Şəmkirin Abbaslı 2 saylı kənd tam orta məktəb NƏLƏR BAŞ VERİR - Şikayət

Balakən rayon Kortala kənd tam orta məktəbinin direktoru barədə CİDDİ İTDİHAMLAR

Qəbələ şəhər orta məktəblərində qanunsuz repetitorluqla məşgul olan müəllim - ARAŞDIRMA

Yevlaxın vergidən yayınan repetitor müəllimləri KİMLƏRDİR

Ağdam rayon Paşabəyli kənd tam orta məktəbində QANUNSUZLUQ - Şikayət

Ramil İsgəndərovu KİM `VURUR`? - Ruslan Əliyevin əlinə düşən ŞANS...

Lənkərandakı qalmaqallı 4 nömrəli məktəb-liseydə yenə "köhnə hamam, köhə tas"dır - Direktor verdiyi sözü UNUTDU

Biləsuvardakı bu məktəbin direktorundan ŞİKAYƏT VAR - İddia

Salyan rayon 4 sayli tam orta məktəbin direktoru Gülər Quliyevadan QANUNSUZLUQ

LƏNKƏRAN TƏHSİLİNƏ KİM RƏHBƏRLİK EDƏCƏK?

Qubada yerləşən Mehrab Niftəliyev adına Texniki təmayüllü liseydə NƏ BAŞ VERİR

Bərdə şəhər Muğanlı kənd orta məktəbinin direktoru Könül Kazımova kimdir? Arxasında kim dayanır?

Moskvada ugur qazanan gənc azərbaycanlı stomatoloq Aygün Musayeva - FOTO

Şəmkirin icra başçısı NƏ İŞLƏ MƏŞGULDUR - ŞOK FAKTLAR…

Azərbaycan Xalqı tarixi Qələbəsini öz müdrik rəhbərinin başçılığı ilə qazandı

Azərbaycanın nəbzi tarixi zəfəri ilə döyünür

Elçin Əsədov: "Bu şanlı qələbə ilə 30 illik erməni işğalına son qoyuldu, vətənimizin ərazi bütövlüyü bərpa edildi"

İlham Əliyevin və qəhrəman Azərbaycan Ordusunun qazandığı Böyük Zəfər Günü ölkəmizə, regiona və dünyaya daha böyük zəfərlər vəd edir

Bütün xəbərlər

Ən çox oxunanlar

  • Bu gün
  • Bu həftə
  • Bu ay