TƏCİLİ! ERMƏNİSTAN CALXALANIR: ABŞ Paşinyanın devrilməsinə mane olur, yoxsa Rusiya...
Ermənistanda etirazçılar İrəvan-Eçmiədzin yolunu bağlayıblar.
"Sputnik Armenia”ya xəbər verir ki, bu yol "Zvartnots” beynəlxalq hava limanına gedir. Əraziyə yüzlərlə etirazçı toplaşıb. Yolda nəqliyyatın hərəkət tam iflic olub.
"İrəvan qarışarkən baş nazir Nikol Paşinyan xarici işlər naziri Ararat Mirzoyanı Vaşinqtona göndərib. Paşinyana da aydındır ki, İrəvandakı radikalların hərəkətə keçməsinin təşkilində Moskvanın əli var”.
Qazet.az xəbər verir ki, bunu politoloq Elxan Şahinoğlu bildirib.
Politoloq qeyd edib ki, İrəvanda qışqırıb-bağıranlar Rusiyanın əlaltılarıdır: "Vaşinqton Moskvanın Paşinyanı devirmək planına mane olmaq istəyir. Ancaq bunun üçün Paşinyan Amerika Birləşmiş Ştatlarına yaxınlıq nümayiş etdirməlidir. Bu isə Kremli Paşinyana qarşı daha çox aqressivləşdirəcək”.Elxan Şahinoğlu bildirib ki, Ararat Mirzoyan ABŞ dövlət katibi Entoni Blinkenlə və digər amerikalı rəsmilərlə görüşlərdə Azərbaycandan şikayət edib, "əsirlər”dən danışıb: "Bu, mətbuat üçün yayımlanan məlumatdır. İnanmıram ki, bu mövzu Vaşinqtonu narahat edir. ABŞ rəsmiləri bağlı qapılar arxasında söhbətdə böyük ehtimall Mirzoyana Rusiya ilə bağlı suallar ünvünlayıblar: "Moskva sizdən nə istəyir?”, "Kreml sizi nə ilə hədələyir?” və s. Mirzoyan 4 gün Vaşinqtona olacaq və bu sualları müxtəlif görüşlərdə eşidəcək. Böyük ehtimalla Ararat Mirzoyan okeanın o tayından geri döndükdən sonra yenidən Moskvaya sorğuya çağrılacaq”.
Paylaşın
Oxşar xəbərlər
Son xəbərlər
Ən çox oxunanlar
- Bu gün
- Bu həftə
- Bu ay